O'zgaruvchilar

O'zgaruvchilar (variables) - qiymatlarni saqlash uchun ajratilgan xotira manzillari. Ya'ni o'zgaruvchi yaratganingizda, xotirada ma'lum joy band qilinadi. O'zgaruvchilar dastur bajarilishi davomida ishlatiladigan ma'lumotlarni saqlaydi va keyinchalik ularning qiymati o'zgartirilishi mumkin.

O'zgaruvchilar turli ma'lumot turlarini saqlashi mumkin. Python'da o'zgaruvchilar dinamik: oldindan ma'lum bir tur bilan e'lon qilish shart emas, va dastur ishlayotganda tur/qiymat o'zgarishi mumkin.

Python o'zgaruvchilarini nomlash bo'yicha asosiy qoidalar:

1. Birinchi belgi harf yoki pastki chiziq _ bo'lishi kerak.
2. Keyingi belgilar harf, pastki chiziq _ yoki raqam bo'lishi mumkin.
3. O'zgaruvchi nomlari case-sensitive (katta-kichik harf farqlanadi). Masalan, firstName va firstname - turli o'zgaruvchilar.

Python'da o'zgaruvchi yaratish juda oson: o'zgaruvchi nomini yozing, so'ng = belgisi va qiymatni bering.

O'zgaruvchi yaratish va chiqarish

name = "John Doe"
print(name)

Qiymat va tur o'zgartirish

O'zgaruvchining qiymati va hatto turi dastur ishlayotganda o'zgarishi mumkin:

age = 20
print(age)
print(type(age))

age = "yigirma bir"
print(age)
print(type(age))

O'zgaruvchilarni birlashtirish

first_name = "Bob"
last_name = "Smith"
full_name = first_name + " " + last_name

age = 22
hobby = "Suzish"

print("Ism:", full_name)
print("Yosh:", age)
print("Hobbi:", hobby)

To'g'ri o'zgaruvchi nomlari

my_variable = "Salom"
_private = "Hi"
count2 = 100
print(my_variable, _private, count2)

O'zgaruvchilar bilan hisoblash

length = 10
width = 5
area = length * width
print("Yuza:", area)